1. E ta kuminsá di un manera positivo. Un delegashon di Scouting Antiano a biaha 22 di yuli último pa Hapon. Motibu di e biahe aki ta World Jamboree 2015. E evento aki ta atraé mas di 30.000 skout for di 161 pais i e ta tuma lugá entre 28 di yüli pa 8 di ougùstùs 2015. Un di e puntonan sentral durante e dianan aki ta interkambio di kultura.
Naturalmente nos delegashon ku ta unu enkabesá pa lidernan dinámiko no a pèrdè pa gana i a kuminsá ku esaki for di nan yegada. Promé kos ku nan a hasi tabata sera konosí ku e kushina hapones. Segun tradishon despues di kome mester baña i bisti un kimono.
Riba e potrèt bo por mira e grupo den trahe di kimono. Nos ta deseá nan un dushi temporada na Hapon i alabes kier gradisí nan pa e bon representashon den eksterior.
Nota: bo ta mira klaramente ku e trahe aki no ta tene kuenta ku tur grandura i tipo di pechu.
2. Hopi áwaseru i bientu fuerte a pone ku Zomerkarnaval 2015 no por a sigui. Naturalesa no ta kos di hasi wega kuné pero nos hendenan ta mustra di no ta komprondé. Partisipantenan di grupo mesora a kuminsá ta eksigí nan plaka bèk i sierto bendedó di kuminda i bebida a eksigí Gemeente di Rotterdam pa paga nan plaka di daño i perhuisio.
Danki Dios nos tin sufisiente yunan di tera ku si tin dòs plaka di sintí i nan a splika ku:
Nilva Echevarria
“Hende por ta bobo pero ta mas duele ku nan ta domverstand tambe. Nan a pasa di bobo pa bestia”
Billy Nichols
“Saludo pa esnan ku a gasta e kinderbijslag pa kumpra weave, unja, dress na Primark i paga Hilton weekend special. Harmando un telethon pa bosnan aki”
Hyacinth Sintiago
“yen hende a skapa mes haha un bringamentu menos…un sla den kara menos….menos kortamenti orea….menos hende ku kater ….aki 9 luna no tin baby boom hahah ata materiaal pabo aki succes hahah”
Ruben La Cruz
“Awe na Rotto yun hende no ta baila nan s**** pa yun hende mira weta wak tira bista óf lur. Ta di sinta na kas wak weta mira lur tira bista kon e bientu ta supla h*** tur kos. hahahahahahahahahahahhaahahhahahaahahahahhahhaahaahhahahahahhaahaahahahahahahahhahahahaahahahaahahahahaahahahahaahahhahahahhahahhahahaah Awó baila bo s**** na kas. Anto keda hari ku bo disfras. Ku bo duim hinka den bo atras hahahahahahahahahahahhhahahhahahhahahahahahhahhhahhahahahahahahaha”
Pa esun ku a keda ku gana di gosa nos tin un sugerensia. Djadumingu awor tin Gay Pride na Amsterdam. Ei nan bientu fuerte lo no tin ningun efekto paso lo tin hopi burakunan hanchu pe supla pasa bai.
3. Tur dia di nobo bida ta sorpresá nos ku kasonan inkreibel. Den transkurso di siman nos a lesa un relato kaminda un hòmber ta pidi konseho tokante su derechinan komo tata. Tur esaki nos tabata di akuerdo kuné te na momentu ku e la bisa di no kier paga plaka di alimentashon. E la argumentá ku e mama ta gana mihó salario kuné i e ta mira e pagamentu di alimentashon komo un inhustisia.
Kurashi ta kuminsá i kaba na e tipo aki. Ta ken a manda bo traha yu ku un muhé muchu mas sabí i finansieramente mas stabil kubo ? Drechi, awor bo tin ku chupa e preimu. Ta bo deber di kria bo yu maske kon e relashon di bo i e mama ta. Bo no ta e promé ni e delaster ku a hañ’e den e kos aki. Ta konosí ku hopi mama ta purba probechá di situashonnan manera esaki pero na final ta hues ta tuma e desishon final.
Buska un bon abogado, resa 100 Nos Tata i 200 Ave Maria promé bo sali kas pa bai korte i sòru pa nunka mas bo papia semehante disparate.
4. Travel-Gate. Si, Kòrsou tin un gate mas ! awor ta resultá ku dos miembro di komisaria a uza plaka di CTB pa kubri gastu pa biahenan personal. E suhetonan aki ta bini di partido PAIS i partido Nashonal di Pueblo . Di tur dos banda a start un kore kore pa depositá e plaka bek riba kuenta di CTB. Awor ta kiko bosnan a kere ? Ku ta un pueblo imbésil boso ta sirbi ?
Ta opvio ku elekshon ta serka i kualke fechoria ku miembronan di partido kometé nan ta buska moda di tapa mas lihé ku ta posibel. Awèl boso lo keda ku gana e biaha aki.
Di mi grandinan semper ma lanta tende ku ta dos tipo di hende bo mester vigilá di aserka: hende ‘bashí i hende ku ‘hamber’. Nan ta kapas di tur kos na tur momentu. Dicho echo. Laga nos ta sinsero ku otro. Kuantu hende ta drenta komisaria pa di bèrdat yuda un kompania di gobièrnu bai dilanti ? Mayoria ta bira miembro djis pa e plaka mensual ku nan ta risibí i pa broma ku e posishon. I no papia mes di e tantísimo reunion i biahenan riba lomba di pueblo.
Si aparte di tur e benefishinan aki tòg bo disidí na malgastá plaka di e kompania bo ta hopi plegá i super sinbèrgwensa.
5. Bikini kòntèst a sali for di man i pia na hermana isla Aruba. For di chikitu mayornan ta stimulá nan yunan pa ser kompetitivo. Deporte, sertámen di beyesa i siñamentu di beibel for di kabes ta mashá na moda. Wikènt ku a pasa no tabata otro. Damitanan entre 18 pa 25 aña a subi esenario i demostrá nan téknikanan di baile bisti na bikini. Tur a anhelá di gana e premio ku tabata 1000 dòler. Hopi awa a keda di spùit riba nan pa baha e kalor ku tabata hasi den e bar kaminda a organisá e kòntèst. Un par di e partisipantenan aki a hasta kita praktikamente blo sunú.
Siguiente dia potrètnan a kuminsá ta sirkulá riba internèt i esaki a trese un avalancha di kritiká. Mamanan a yora sapatia i tatanan a bebe hinter dia pa lubidá nan doló. Pa e chèns di gana 1000 dòler bo bida a kambia. Riba kaya bo ta wòrdu rekonosé i awor bo nòmber di kariño a kambia bira Gigi-Bikini i Gigi-baki. Unda kubo solisitá ta keda sin tuma bu dunando bo e preteksto ku un otro kandidato ta pas mihó riba e puesto.
Loke ta hasi e situashon mas tristu ta esaki. Hopi di e personanan ku ta kritiká mes ta kan kan di problema. Den nan tin chòler, buraché, pedofiel, debedó di belasting i bailadó ku Lua. E diferensia entre nan i abo ta ku abo a baila blo sunú den públiko i nan ta hasi nan kos bon skondí.
6. Si na Aruba tawatin kòntèst di bikini, na Korsou Tasz Angels tabata di bishita. E grupo di damanan aki tin komo meta pa entretené bishitante nan di fiesta. Nan ta hasi esaki na un manera hopi partikular. E potrètnan ta papia pa nan mes.
Aki atrobe reputashon di hopi dama a bai pèrdí. Un remarke si nos ke hasi paso nos por komprondé ku ora alkohòl ta den wega emoshonnan ta subi. Pero unda bo amiganan a keda ? bo BFF, Linker-Bil, Asmiga i esun ku ta gaña pa bo tur ora. Na unda e demoño ei tabata ora Tasz Angels tabata nabegá den bo kil i fotógrafonan a probechá saka potrèt ?
En todo kaso. Nos ta spera kubo por a traha bo kara di “yo no fui” djaluna mainta na trabou i nos ta deseá bo éksito ku e fama di “Las mas finas son mas TASZ”
Awe ta djabièrnè 31 di yüli. Ainda falta 5 luna promé ku aña kaba pero ya nos a mira un anunsio kaminda ta buska músiko pa militá den banda di gaita. Pedido di ayaka pa kompanianan tambe a kuminsá lanta kabes. Konsekuentemente mester di hopi blachi di banana pa traha esakinan. Nos isla no por produsí tantu blachi asina.
Loke si nos tin hopi ta makaku i kaminda tin makaku tin makakeria. Bo ta mira i sinti esaki tur dia rondó di bo. E ta kuminsá for di “mi yu a bai studia pa “Do(ch)ter” te “Bebi bo sa e mucha ei ta sabí no ! awor ku e la kaba su estudio di Homosapiens e la kita e sapiens afó i bira Homo”
En fin. Laga nos sera e siman aki bisando bo ku maske:
Norma(n) Serphos a gaña ku na ningun momentu a detené Jason Chicken Chow-Min, banko ta fiando klientenan plaka pa kumpra karchi di jazz i na Boneiru un granatapel ta kosta 7 dòler…
T’aki mi ta BEBA
Nos ta bèk ku nos famoso resetanan. Esun aki nos ta dedik’é na Ministerio Públiko i Radio Dirèkt 107.1 FM.
Ingredientenan :
3 liber di galiña (pechu) kòrtá chikitu ½ kòpi di hariña di pan 2 telep di salu ²/³ kòpi di rés 2 siboyo kortá chikitu 2 kòpi di sèldu kortá chikitu 1 pida siboyo largu kortá chikitu 4 kòpi di awa 1 kòpi di mushroom kortá chikitu 4 blòki di buyon 1 liber di spagèti Carozzi 2 kuchara grandi di worcestershire sous
Preparashon :
Herebé e spagèti den awa ku salu, ora ku e ta moli, ta skore e awa afó, i lag’é para. Bruha e salu i e hariña di pan den otro, pasa e galiñanan den e meskla aki. Pone e rés na kandela lag’e bira kajente, anto awor ta hasa e galiñanan aden. Kaba ta pone e siboyo, sèldu, siboyo largu, mushroom tambe den e wea. Laganan tambe hasa un tiki, i ora nan bira bruin, ta pone e blòkinan di buyon den un tiki awa, i basha nan tambe aden. Ta pone dos kòpi di awa tambe aden, tap’é. Awor ta baha e stof. Lag’é kúshina mas ó menos mei ora ó te ora ku e bira moli. Ora e ta kla, ta pone e worcestershire sous aserka, i ta drei e bon. Baha e wea fo’i kandela. Basha e spagèti riba un schaal, pone e galiña kúshina riba dje, ku su sous un banda pa kome.
Laga nos sa kon e la baha.
T'aki mi ta BEBA 