Friend of the tourist: Hey welcome back! How was your holiday? Tell me all about it. It must have been an unforgettable time. You went to Curacao right?
Tourist on Facebook: From the moment we arrived, we had to wait in a long queue at the immigration, we got ripped off by the taxi driver on the way to the hotel, the service at the hotel was substandard, they broke into our rental car at Watamula, the roads to Westpunt were full of potholes, the city center Punda was dirty and abandoned after 6 pm, we got robbed and attacked in front of the Politur at our Hilton hotel. But on the flip side the island had a beautiful decorated rotònde Zegu!
The above said no one ever!
Fin di aña ta yegando i Aqualectra a kuminsá pone dekorashon di Pasku aki aya riba Kòrsou komo parti di e kampaña Fiesta di Lus. Hopi di nos por korda kon popular e kampaña aki tabata durante añanan anterior. Hopi tabata e kasnan, kaya i te asta bario kompletu ku tabata dòrna tur na lus. Mi ta korda bon kla kon mi tata tabata hinka henter famia den auto pa nos kore wak lus. Konvoi yen di grupo di damas tabata hasi mesun kos. Trafíko tabata pega formal. E uniko manera pa mira tur lus tabata di baha i kana na pia. Kaminda tin konsentrashon di yu’i Kòrsou, mesora un ambiente ta forma. Holo di BBQ tabata kore den kaya, músika di pasku tabata resoná, truk di palu frui tabata bende pòpurèshi mane pan kayente. Karanan kontentu tabata topa otro den kaya i laga sa kua kas bo no por falta. Un tremendo “Ban topa” tabata forma tur dia di nobo.
Kodela/Aqualectra tabata sostené e gran kreatividat di pueblo aki pa medio di diskuento i premionan ku bo por a gana durante fin di aña. Asina ku nan a stop ku esey, henter e kampaña den su forma lokal a kaba rápidamente. Kasnan ku a keda dorna ta paso sea Aqualectra no ta paga tinu ku e koriente ta hortá o simplemente paso doño di kas ta “den kos” mane sa bisa den kaya. Sèn fasil ta paga resibu mane un parlamentario ta aprobá su mes biahe pa Parlatino. Vap Vap!
Ultimo añanan ta Aqualectra su so a keda dorna, ya ku nan por repartí e gastu bou di pueblo. A sali un redenashon ku ta bisa ku e dekorashon di Pasku ta hustifiká paso e ta trese turista. Tur aña di nobo mas i mas sen ta keda reservá pa esaki. Pa 2016 un montante di 900.000 florin a keda presupuestá.(kièrmen e chèns ta grandi ku lo bula esaki) E mafiosonan di Kòrsou, pues Aqualectra, CTB, Curoil i ministerio di VVRP a pone e sèn huntu. Ahinda no ta kla paso ta buskando mas kompania pa kontribuí.
Esaki ta un ridikules di otro mundu.
Ni un turista no ta bin Kòrsou pa wak lus di Pasku. Kòrsou su lus di pasku no ta un selling point ni maske kon bunita nos ta kere ku e ta. Simplemente paso na e turista su país tin dekorashonnan muchu mas grandi i bunita o suidatnan konosi pa nan ambiente di Pasku.
Ademas e prioridat di esnan k uta kontribui ta robes. Curoil ketubai tin retraso di entregamente di bòm di gas, Aqualectra no por pasa un siman sin ku koriente ta bai, CTB su plan nashonal di turismo ketubai ta den lachi sin ta duna fruta. Ta ken karaho ta disidí unda e sèn ta wordu gastá?. E no sa ku muchanan ta bayendo skol sin kome? E no sa ku SDK ketubai mester di fondo? E no ta mira ku turistanan ketubai ta keda atraká riba nos isla? Nan no ta mira ku e servisio na Hato, den hotel i den nos taxinan ta laga di deseá? Nan no ta mira e sushedat den Punda ni esun den haf?
Ki bo ta kere ta laga un impreshon atrás serka e turista? E 100 dollar ku taxi a kobré di Hato pa Otrobanda na komienso di su fakansi o e lus ku e la mira na rotònde Sehos?